Irrigation Systems · აღჭურვილობა
საერთაშორისო ბრენდების საიმედო აღჭურვილობა, შექმნილი ხანგრძლივი და სტაბილური მუშაობისთვის.
წვეთოვანი ხაზები, ფილტრაცია და წყლის განაწილება ბაღებისთვის, კენკროვანი პლანტაციებისთვის, სათბურებისა და მინდვრებისთვის.
თითოეული ელემენტი შედეგზე მოქმედებს: ფილტრაციის ხარისხზეა დამოკიდებული საწვეთურების ექსპლუატაციის ვადა, წყლის თანაბარ მიწოდებაზე — მცენარეთა განვითარება, ფერტიგაციის კვანძზე კი — მათი კვება.
სარწყავი გამფრქვევები, წვეთოვანი მორწყვის ზონები, სარქველები და კონტროლერები გაზონების, ბაღებისა და გამწვანებული ტერიტორიებისთვის.
გაზონს, ყვავილების კლუმბებს, ბუჩქებსა და ხეებს სხვადასხვა რაოდენობის წყალი სჭირდება. გამფრქვევები, წვეთოვანი მორწყვის ზონები და სარქველები ნაკვეთს ზონებად ყოფს, კონტროლერი კი თითოეულს საკუთარი გრაფიკით რწყავს.
წყლის საიმედო შენახვა ნებისმიერი მოცულობით: მოთუთიებული რეზერვუარები და HDPE გეომემბრანით მოწყობილი წყალსაცავები.
მარტივი და საიმედო ტექნოლოგია: რეზერვუარებისა და წყალსაცავების მოვლა მარტივია, გამძლე მასალები კი მათი მრავალი წლის განმავლობაში გამოყენების საშუალებას იძლევა.
ჭაბურღილისა და ზედაპირული ტუმბოები, წნევის ამწევი სადგურები და მათი კომპონენტები.
თანამედროვე ავტომატიკა სტაბილურ წნევას ინარჩუნებს მაშინაც, როცა წყლის ხარჯი დღის განმავლობაში იცვლება. ის ტუმბოს გადატვირთვისგან, მშრალი სვლისა და ძაბვის ცვალებადობისგან იცავს — ყველაფრისგან, რამაც ის შეიძლება მწყობრიდან გამოიყვანოს. ტუმბო შეუფერხებლად მუშაობს, მკვეთრი გაშვებების გარეშე, და უფრო დიდხანს ძლებს.
მაღალი წნევის ტუმბოები და კომპონენტები რეცხვისა და ტექნოლოგიური პროცესებისთვის.
მაღალი წნევის პლუნჟერული და დგუშიანი ტუმბოები, ელექტროძრავები, რეგულატორები და დამცავი სარქველები, შლანგები და საქშენები. ცვეთამედეგი მასალებისგან დამზადებული სამრეწველო კლასის აღჭურვილობა, გათვლილი რთულ და მძიმე სამუშაოებზე.
ტუმბოები, საქშენები, ფილტრაცია და შადრევნის მართვა.
პატარა ბაღის შადრევნებიდან ქალაქის დიდ წყლის კომპლექსებამდე დინამიკური ეფექტებითა და განათებით.
კონტროლერები, სენსორები და ავტომატური მართვის მოწყობილობები.
მარტივი ავტომატური მოწყობილობებიდან მრავალფუნქციურ მართვის სისტემებამდე პროგრამირებადი რეჟიმებით, პარამეტრების კონტროლითა და დამცავი ფუნქციებით.
ტექნიკური კითხვები
არჩევანი დამოკიდებულია კულტურაზე, დარგვის სქემაზე, ნიადაგზე, რელიეფსა და წყლის ხელმისაწვდომობაზე. წვეთოვანი ხაზი წყალს ფესვის ზონასთან აწვდის, საწვიმარი მოწყობილობები კი ზედაპირს რწყავს. ერთ ობიექტზე შეიძლება სხვადასხვა ზონას განსხვავებული გადაწყვეტა სჭირდებოდეს.
საჭიროა წყლის წყაროს, ხარისხის, სისტემის ხარჯისა და წვეთოვანი ხაზის მოთხოვნების ცოდნა. ამ მონაცემებით შეირჩევა ფილტრის ტიპი, ფილტრაციის ხარისხი და წარმადობა. წყლის ანალიზი და აღჭურვილობის ტექნიკური დოკუმენტაცია ამოცანას აზუსტებს.
მხოლოდ ძრავის სიმძლავრე საკმარისი არ არის. საჭიროა წყლის ხარჯი და წნევა სამუშაო რეჟიმში, სიმაღლეთა სხვაობა, მაგისტრალის სიგრძე და ერთდროულად მომუშავე ზონები. გათვალისწინებული უნდა იყოს ფილტრებისა და სხვა კომპონენტების წნევის დანაკარგიც.
მოგვიყევით თქვენი ამოცანის შესახებ და ინჟინერი შემოგთავაზებთ აღჭურვილობის კომპლექტს გაანგარიშებით.